Murojaatlar yechimi katta ko’mak
Jizzax viloyati ichki ishlar boshqarmasi boshlig`ining birinchi o`rinbosari, podpolkovnik Akmal Murodov Paxtakor tumanining “Dilorom” MFYda sayyor qabul o`tkazdi. Qabul avvalida o`zini o`zi band qilish uchun 6 kishiga subsidiya asosida tikuv moshinkasi, 6 nafariga kredit ajratilganligi to`g`risida hamda 4 nafar yoshlarga oliy ta’lim uchun shartnoma pulining ma’lum qismi to`langanligi haqidagi sertifikat, 16 yoshga to`lgan 5 nafar yoshlarga ID kartalarni topshirdi.
Muloqotda Paxtakor va Dilorom mahallalarida yashovchi 15 ga yaqin fuqarolar 3- sektor rahbaridan o`zlarini qiynayotgan muammolarini hal etishda yordam so`rashdi. Xususan, ichki ko`chalarga shag`al va asfalt yotqizish, moddiy yordam ajratish, salomatligini tiklash, ichimlik suvidan yuzaga kelgan qarzdorligini to`lashga oid masalalar mutasaddilar ishtirokida muhokama qilinib, ularni hal qilish choralari belgilandi.