Pensiya miqdori va Pensiya jamgʼarmasi hisobida turganlik haqidagi maʼlumotlarni olish tartibi haqida bilasizmi?

  Bugungi kunda fuqarolarga pensiya oluvchilar roʼyxatida mavjudligi hamda pensiya miqdori toʼgʼrisida maʼlumotnoma berish Davlat xizmatlari markazi yoki Yagona interaktiv davlat xizmatlari portali (YaIDXP) orqali (onlayn) amalga oshiriladi.
✅ Bunda, fuqaro Davlat xizmatlari markaziga bevosita murojaat qilgan taqdirda, masʼul xodim ariza beruvchi nomidan tegishli soʼrovnoma shaklini toʼldiradi va fuqaro toʼldirilgan soʼrovnomani toʼgʼriligini tekshirib tasdiqlab beradi.
✅ Shundan soʼng, Davlat xizmatlari markazi masʼul xodimi soʼrovnomani Pensiya jamgʼarmasiga elektron shaklda yuboradi. Pensiya jamgʼarmasi soʼrovnomaga zudlik bilan QR-kodli maʼlumotnomani shakllantirib Davlat xizmatlari markaziga yuboradi. 
Davlat xizmatlari markazi maʼlumotnoma olingandan soʼng 5 daqiqa ichida ariza beruvchiga maʼlumotnomani elektron yoki qogʼoz shaklida taqdim etadi.
Fuqaro ushbu soʼrovnomani YaIDXP orqali olishni xohlaganda barcha jarayon onlayn amalga oshiriladi.
✅ Davlat xizmatidan foydalanish mutlaqo bepul amalga oshiriladi.