“Paxta-2023” MАVSUM UYUSHQOQLIK BILАN BORMOQDA

 Bu yil dehqonlarimizning astoydil harakatlari tufayli bahorning injiqliklari, yozning jaziramasiga qaramasdan, dalalarda moʼl hosil yetishtirildi. Shu kecha-kunduzdagi asosiy vazifamiz dalalarimizda yil davomida chekilgan mashaqqatlar evaziga yaratilgan paxta hosilini nes-nobud qilmasdan yigʼib-terib olishdan iborat.
Buni yaxshi anglagan “Paxtakor” FXHUdagi Olimjon Yoʼldashev rahbarligidagi “Oq paxta boyligi” xoʼjaligi dalalarida birinchi qoʼl terim ishlari boshlab yuborildi. 100 nafarga yaqin koʼngilli terimchilar 59 gektar paxta maydonida yetishtirilgan hosilini uyushqoqlik yigʼib-terib olish uchun astoydil harakat qilishayapti. Paxta qabul qilish maskanlari esa barcha talablarga mos ravishda shay holatga keltirilgan. Yigʼim-terimiga jalb etilgan fuqarolar uchun issiq ovqat, koʼchma savdo, madaniy va maishiy xizmatlar hamda koʼchma tibbiy koʼriklar tashkil etilgan.
Sh.MАMIROV.